أسئلة محيرتي
1- ليش بعض شباب كمال الأجسام سحيكة سجائر؟؟؟ شنو عبالهم بروتين؟؟
2- ليش بعض البنات يبون واحد عنده موتر حتى لو كان جيكر؟
3- ليش الغش صار شيء عادي عند بعد التجار؟
4- متى بنخلص من موضة الخز و الحش إبخلق الله؟
5- ليش الأجانب المتان واثقين من نفسهم و يلبسون ضيق و دجلون القمصان داخل البنطلون و التنورة؟
عندكم الأجوبة؟؟؟؟
Comments
2- ليش؟ ودي اقول ليش بس احتراما لصاحب البلوغ و زواره :)
3- ماكو ضمير خلاص
4- ماراح نخلص هذا طبع بالكويت مايروح صدقني لول
5- يكسرون خاطري :( خلهم على كيفهم
2- لانه الجيكر بالسيارة الكشخه ينقلب شكله ويصير براد بيت
3-لانهم مالقوا ريال يلوت اذانيهم لي اللحين
4- مانقدر لانه راح تنسحب الجنسيه اذا ماخزينا بعض هذا يسمونه التكاتف الاجتماعي الكويتي يالله من فضلك
5-انا اشوفه حلو
2-نقص
3-ماكو وازع ديني
4- هاذا حلم انه انخلص من عادة الخز
5-ثقه زايده عن حدها
2-تبي تكشخ جدام صاحباتها وماتبي منه غير الكشخه جدام البنات الي بالشارع وهذا طبعا ثمنه ليالي حمرا وتعطيه اي شي
3-لان يبي يمشي بضاعته بأي شكل من الاشكال وبعضهم يغش بس لان بعض الزباين يطلعون عيوب بالسلعه وما ياخذونها وعلى فكره تكون سلعته احسن من الباجي بس لان ما غش مايبونها فيقول اغش وهذا شي غلط
4- هذا املك وامل ابليس بالجنه
5- لان الجواب هذا السؤال بسؤالك الرابع , يعني المتين لين يلبس ضيق ويدخل القميص داخل يقومون الناس يخزونه ويتطنزون عليه ويحشون فيه ولا يسمعوونه ويتطنزون وينظروله بنظره يخلونه يكره حياته
يمكن عبالهم بالعضلات والسجائر يصيرون "كووول"
2- ليش بعض البنات يبون واحد عنده موتر حتى لو كان جيكر؟
تبي تكشخ بسيارته
3- ليش الغش صار شيء عادي عند بعد التجار؟
ما يخافون الله
4- متى بنخلص من موضة الخز و الحش إبخلق الله؟
Never
5- ليش الأجانب المتان واثقين من نفسهم و يلبسون ضيق و دجلون القمصان داخل البنطلون و التنورة؟
لأن الأجانب كل واحد فيهم ماله شغل إلا بنفسه وما راح يعلقون ويعيبون ويكرهون الواحد/الوحدة بالدنيا