إنتحار... إغتصاب...سرقة... إعتزال...إسقاط قروض
عادة كل يوم جمعة و أنا آكل فطوري مع الوالد و الوالدة(الله يحفظهم) أتصفح الجريدة و أقرأها بالتفصيل الممل... و ودي أعلق على مواضيع اليوم...
للأسف بعض نوابنا إللي إكثرت هذرتهم بالدواوين عن إسقاط القروض و إستجواب الوزراء الغير متعاونين في إنجاز المعاملات...
أنا أقور بدل الهذرة أحسن لهم إفكرون بالمستقبل و إشلون إنرد الكوت مكانتها قبل الغزوز
وجود بنت في العشرينات بحالة هستيرية عاى الشاطئ و أخذها للمستشفى... شهود عيان، مجوعة من الشباب في قارب ألقوها على الشاطئ... أولا اقول الله يستر على أهلنا و أهلكم... البنات إلى هذي الدرجة أغبية؟؟؟ تركب مع واحد طراد؟؟؟ و طبعا شبابنا مو مصدقين يعني ماكو شغل إلا..... بنات خلق الله؟؟؟؟؟
خبر أضحكني، بشار عبدالله يعلن إعتزالة دوليا... الظاهر غار من زين الدين زيدا لما أعلن إعتزاله و طاب الرئس الفرنسي منه شخصيا العدول عن قراره ليشارك في مباريات كاس العالم... يمكن بشار يبي أحد إكلمه علشان إشارك في مباريات كأس الخليج.. :(
أنا شكلي راح أبطل من قراءة الجرايد يوم الجمعة و أشوف قناة الفنون و تمثيليات أول.... لوووول
Comments
اما الموضوع الثانى اهوه بشار عبدالله ضحكنى والله جنه الي يقول اهمه كل سنه في مباريات دوليه ...
ما اتوقع..بس مشكلتنا بالكويت كلمة البنت اهي الصح والمشكله الكبرى ان الله سبحانه يقول ان شهادة الرجل تعادل بنتين يعني الواحد عن اثنين بس عندنا العكس ويقولون الي نسويه صح..يعني هل معقوله بنت تتغيب عن البيت واهلها ساكتين وهل معقول بنت توصل الطرااد وقصبن عنها ما اتوقع؟؟
والدليل على هذا شوفوا البلوتوث الي قاعد ينتشر ويفضح هالبناات الي طالعين ويسوون دعايه للرد ولا المشكله منقبات واللـــــــــــــــــــــــــــه تحز بالخاااطر والواحد يشمئز منها والله من اشوف واسمع واقرا هالسوالف ودي اذبح كل البنااات يا ناس ياعالم والله حرام الي يصير والله حرام يابناات ويا شباب خافوا من الله تذكروا الله لو لحظه حرام عليكم يعني لين تسكرين والا تطلعين مع واحد وتسوين معااه كل السوالف الحرام راح تعجبين الناس والا راح ادشين الجنه والله لا راح يفيدج لا بالدنيا ولا بالاخره واذا تقولين راح اتووب انشالله الله لا يتوب عليج اذا هذا تفكيرج لانه يمكن باي لحظه الله ياخذج قولي امين وانتي ليما الحين ماتبتي ليش نقول باجر والي عقبه ..توبوا ترى والله حرام ..الصرااحه حدي مقهور من هالسوالف...واسف اذا قلت شي غلط بس من القهر الي فيني ومشكوورين..
وعلى سالفة بشار عبدالله حرام عليك انا من الناس الي ما يحبونه ولا يكرهونه بس الواحد يقول الحق هاللاعب عطا للكويت اشياء كافي احترافاته الي ارفعت اسم الكويت ..والا مستواه يعني ليش يبي يعتزل من خيااس الاتحاد الكويتي والكره الكويتيه الي مافيها فايده بس شاطرين على الخليج..ولاهم معطين اللاعبين شي هذا جاسم الهويدي صار هداف العالم ولا اخذ منهم شي ولا سووله لقاء صحفي الا مره وحده والحين ناسينه ولاهم متذكرينه من حقه يعتزل يلعب بالشارع والتراب ولا يلعب بالملاعب على الاقل المسابقات الرمضانيه وراها فايده فلوس وهدايا والله يوفقه بحياته ويعطيه الف الف عافيه على الي قدمه للكويت..
ومشكوووووووووووووووووووووووره على الموضووع الي خليتني اطلع الي بقلبي كله وليما الحين فيني
أخوي عبدالله,
طلع إللي إبقلبك و لا إتخلي شيء..... با ليت كل الشباب و البنات يقرؤون تعليقك... الله بعطيك العافيه و لا تحرمنا من تعليقاتك الحلوة....
بالنسبة عن بشار... مسكين صار ضحية مقالي... هذا كله من حرتي على المنتخب الكويتي... شوف كنا فين و صرنا فين....
و مشكور ياخوي
بالنسبه للبنات الله يهديهم مادري شفيهم صايرين موطبيعين على هالتصرفات البايخه، يعني مو معقوله انسانه عاقله تسوي هالتصرفات.. والله كل مانسمع موقف صاير حق بنت تعورنا قلوبنا الله يهدهم بس
والحمدلله الدنيا ليلحين بخير، ليلحين السنعين موجودين والاخلاق والتربيه الصالحه موجوده
بس كل المجتمعات فيها الصالح والطالح
يازين قناة فنون خوش قناة، انا من متابعينها.. يحطون مسلسلات ومسرحيات قبل شحلاتها والله